Յակուտիայում որսի ժամանակ կրակել են Ռուսաստանի դաշնային միգրացիոն ծառայության Մոսկվայի վարչության պետի տեղակալ Նիկոլայ Ազարովին: Այս մասին TASS-ին հայտնել է իրավապահ մարմինների աղբյուրը:
Ազարովը Յակուտիա էր ժամանել մասնավոր այցով: Դեպքը տեղի է ունեցել նոյեմբերի 5-ին՝ Խանգալսկի շրջանի Ուլախան-Ան գյուղից 30կմ հյուսիս՝ որսի ժամանակ:
Ազարովի ընկերը՝ «ՄՍԻՏԻ-Դևելոփմենթ» շինարարական ընկերության ղեկավար Արմեն Զաքարյանը, մեքենայի սրահում պատահական կրակոց է արձակել. մեքենայում է եղել Ազարովը: Պաշտոնյան ստացած հրազենային վիրավորումից տեղում մահացել է:
Ներկայում Զաքարյանը ձերբակալվել է, նրա նկատմամբ հարուցվել է քրեական գործ, անցկացվում է հետաքննություն:
Պաշտոնյայի մահվան այլ մանրամասներ առայժմ հայտնի չեն: Ազարովը 43 տարեկան էր:
