Amazon ընկերությունը ներկայացրել է Echo «խելացի» բարձրախոսը: Գլանաձև սարքը, որը միացվում է «ամպին», մշտապես գտնվում է ձայնային հրամանների սպասելու վիճակում: Կարելի է նրան խնդրել հայտնել եղանակի կանխատեսումը ցանկացած քաղաքում, հնչեցնել երաժշտություն, հոդված կարդալ WikiPedia-ից: Գլխավոր գործառույթն այն է, որ սարքը կարող է ձայնային հրամանով նոր ապրանքներ ավելացնել Amazon-ի կայքից արվող գնումների ցուցակում: Այս մասին հայտնում է Vesti-ն:
Echo-ն կարող է երաժշտություն հնչեցնել այնպիսի ծառայություններից, ինչպիսիք են Amazon Prime Music-ը, iHearRadio-ն և TuneIn Plus-ը:
Վաճառքի մեկնարկին Echo-ն հասանելի կլինի Android և Amazon Fire OS-ով աշխատող սարքերի համար: Ծրագրի iOS տարբերակը կթողարկվի ավելի ուշ:
Վաճառքը կսկսվի առաջիկա մի քանի շաբաթներին: Նախնական պատվերով՝ այն կարելի է ձեռք բերել 199 դոլարով:
