Ցանցահենային հարձակումը Home Depot-ի ցանցի վրա պարզվում է՝ ավելի մասշտաբային է, քան թվում էր: Այս մասին գրում է The Wall Street Journal-ը: Ավելի վաղ հայտնի էր դարձել, որ Home Depot-ի ցանցից գողացվել են 56 մլն կրեդիտ քարտերի տվյալներ, իսկ այժմ հաղորդվում է, որ ցանցահենները գողացել են հաճախորդների մոտ 53 մլն էլեկտրոնային հասցեներ:
Ընկերությունը օգտատերերին կոչ է արել դրսևորել զգոնություն, քանի որ չարագործները կարող են կիրառել էլեկտրոնային հասցեները ավելի գաղտնի տեղեկատվություն ստանալու համար:
Թերթը նշում է, որ նոր մանրամասները հարձակման մասին հայտնի են դարձել Home Depot-ի, անվտանգության մարմինների աշխատակիցների և անվտանգության հարցերով փորձագետների կողմից անցկացված ավելի քան երկամսյա հետաքննությունից հետո: Պարզվել է, որ ռիթեյլերը դարձել է նույն մարտավարության զոհ, ինչ Target Corp-ը, որի համակարգին ցանցահենները հասանելիություն էին ստացել էլեկտրոնային հաշվի միջոցով:
Հետաքննության ընթացքին ծանոթ աղբյուրների խոսքով՝ չարագործները Home Depot-ի համակարգում կարողացել են հայտնվել կողմնակի վաճառողի հասանելիության պարամետրերի ստացումից հետո, որից հետո օգտվել Windows ՕՀ-ի խոցելիությունից:
