Ինչպես արդեն տեղեկացրել ենք, Դորտմունդի «Բորուսիա»-ն Գերմանիայի Բունդեսլիգայի 10-րդ տուրում արտագնա խաղում 2:1 հաշվով զիջել էր Մյունխենի «Բավարիա»-ին:
Այդ պարտությունից հետո Յուրգեն Կլոպի սաները 17-րդն են 18 թիմերի պայքարում: Հայաստանի հավաքականի կիսապաշտպան Հենրիխ Մխիթարյանն ակումբի պաշտոնական կայքի հետ զրույցում անդրադարձել է անհաջող ընթացքին:
«Երկրորդ խաղակեսում շատ խորքից էինք խաղում, այդ իսկ պատճառով պարտվեցինք: Պարտավոր ենք սովորել մեր սխալներից ու առաջ նայել»,- ակումբի պաշտոնական կայքի հետ զրույցում ասել է Մխիթարյանը:
