Ոճի անկրկնելի զգացողությունը և համարձակ կերպարների նկատմամբ կիրքը Ջորք Քլունիի 36-ամյա կնոջը՝ Ամալ Քլունիին, նորաձևության նոր խորհրդանիշի իրական թեկնածու են դարձրել: Այս մասին հայտնում է elle.ru-ն:
Շատ հնարավոր է, որ տիկին Քլունին արժանանա նորաձևության խորհրդանիշի կոչմանը: Նա առաջադրված է British Style Awards մրցանակաբաշխությանը: Ամենամյա մրցանակը շնորհվում է Մեծ Բրիտանիայի նորաձևության զարգացման մեջ ունեցած նշանակալի ավանդի համար:
Ամալից բացի՝ այդ մրցանակին հավակնում են Քեյթ Մոսը, Կարա Դելևինը, Կիրա Նայթլին, Էմմա Ուոթսոնը և Հելեն Միրենը: Լավագույններից լավագույնի համար հնարավոր է քվեարկել մրցանակաբաշխության britishfashionawards.com պաշտոնական կայքում՝ մինչև նոյեմբերի 5-ը:
