Համակարգչային տեխնոլոգիաների դարում մեզանից շատերը օրվա մեծ մասն անցկացնում են համակարգչի առջև: Սակայն վերջին ուսումնասիրությունները ապացուցել են, որ նստակյաց կյանքը վատ է անդրադառնում մարդկանց առողջության վրա: IKEA ընկերությունը այս խնդիրը լուծելու բավականին հետաքրքիր միջոց է գտել:
Անհրաժեշտ է միայն այնպիսի սեղան ստեղծել, որի մոտ հնարավոր է աշխատել ինչպես նստած, այնպես էլ կանգնած: Այս նպատակով IKEA-ի մասնագետները «ներդրել» են հատուկ մեքենայացված բարձրացնող մեխանիզմ:
Երկու կոճակների միջոցով մարդը կարող է ցանկացած պահի կարգավորել սեղանի անհրաժեշտ բարձրությունը: Եթե հոգնել եք նստելուց, սեղանը բարձրացնում եք և սկսում կանգնած աշխատել: Դա նստած աշխատող մարդկանց համար բավականին լավ տարբերակ է:
Սեղանը ստացել է Bekant Ergonomi անվանումը և արդեն վաճառքի է հանվել IKEA-ի որոշ խանութներում: Այն ներկայացված է մի քանի մոդելներով, որոնցից ամենաէժանն արժե 490 դոլար:
Հարկ է նշել, որ IKEA-ն նախկինում էլ է էլեկտրական կարգավորմամբ սեղաններ արտադրել:
