Բաքու-Թբիլիսի-Կարս երկաթգծի նախագիծը բաց է այլ երկրների մասնակցության համար: Trend-ի հաղորդմամբ՝ այս մասին Բաքվում անցկացվող «Բաքու-Թբիլիսի-Կարս երկաթգիծ. նոր հնարավորություններ Մետաքսի ճանապարհի զարգացման մեջ» միջազգային համաժողովի ժամանակ ասել է Ադրբեջանի տրանսպորտի նախարար Զիյա Մամեդովը:
Նրա խոսքով՝ այդ նախագծի նկատմամբ հետաքրքրություն ունեցող երկրները կարող են միանալ եռակողմ միջկառավարական համաձայնագրին, որը2007-ին ստորագրել են Ադրբեջանը, Թուրքիան և Վրաստանը:
Ծրագրվում է նախագծի իրականացումն ավարտել 2015թ., իսկ այդ տարվա վերջին ծրագրված է առաջին թեստային աշխատանքային գնացքի մեկնարկը՝ ասել է Մամեդովը:
Բաքու-Թբիլիսի-Կարս նախագծի իրականացման շրջանակներում նախատեսվում է 105 կմ երկարությամբ նոր երկաթուղու կառուցում: Նաև կվերանորոգվի Վրաստանի Ախալքալաք-Մարաբդա-Թբիլիսի երկաթգիծը, որը տարեկան 15 մլն տոննայով կմեծացնի բեռնափոխադրումների ծավալը:
Բեռնափոխադրումների հնարավորությունը կկազմի տարեկան 17 մլն տոննա: Սկզբնական շրջանում այդ ցուցանիշը կլինի մինչև 1 մլն ուղևոր և 6.5 մլն տոննա բեռ:
