Հարավկորեական ռեփեր PSY-ն ցանկանում է ապագայում նույնպես այդպիսի «ուրախ երիտասարդ մնալ, ուրախ պարեր պարել և ուրախ տեսահոլովակներ նկարահանել»: Հանրահայտության գագաթնակետին նրան հասցրեց Bird երգի տեսահոլովակը, որը ընդգրկվել է նրա առաջին ալբոմի՝ «PSY from the PSYcho World!-ի մեջ: Այժմ YouTube ծառայության շնորհիվ գրեթե ամբողջ աշխարհը պարում է նրա Gangnam Style երգի ներքո: PSY-ն արդեն հասցրել է ելույթ ունենալ այնպիսի արարողություններում, որտեղ ներկա է գտնվել ԱՄՆ նախագահ Բարաք Օբաման, և պարել ՄԱԿ-ի գլխավոր քարտուղար Պան Գի Մունի հետ:
Ինչպես տեղեկացնում է Star Online–ը, 34-ամյա ռեփերը ցանկանում է պահպանել այն ոճը, որն ունեցել է 12 տարի առաջ, երբ առաջին անգամ բեմ է բարձրացել: Նա հայտարարել է, որ նույնիսկ չի մտածել այն մասին, որ իր երգերը կարող են լսել Կորեայի սահմաններից դուրս: Իսկ այն, որ նրա մասին խոսում են ամբողջ աշխարհում, արդեն իսկական հրաշք է:
