Քաղցկեղածին ուռուցքները կարող են ավելի արագ աճել գիշերային ժամերին: Այս մասին է վկայում իսրայելի գիտնականների կողմից անցկացված հետազոտությունը:
Նրանք հայտնաբերել են, որ քաղցկեղածին ուռուցքները ավելի արագ են աճում ու ամբողջ մարմնով տարածվում քնի ժամանակ, ինչը պայմանավորված է քաղցկեղային բջիջներում 2 ընկալիչների հետ՝ գրում է informing.ru-ն:
Գիտնականները եզրակացրել են, որ քաղցկեղի բուժումն ավելի արդյունավետ է գիշերը, քան ցերեկը՝ մկների մոտ հետևելով քաղցկեղի բջիջներում երկու ընկալիչների ակտիվությանը:
Գիտնականները այդ բջիջների զարգացմանը նպաստող երկու ընկալիչ են հայտնաբերել՝ EGER, որը պատասխանատու է դրանց աճի համար, իսկ երկրորդ ընկալիչը կապվում է գլյուկոկորտիկոիդ (ԳԿ) հորմոնի հետ, որը օրգանիզմում պահպանում է էներգիայի մակարդակը և հաճախ կոչվում նաև սթրեսի հորմոն:
Գիտնականները պարզել են, որ երբ ԳԿ ընկալիչը կապվում է ստերոիդային հորմոնի հետ, EGER հորմոնի ակտիվությունը նպաստում է բջիջների աճին և միգրացիային: Նրանք մկների մոտ ցերեկային ժամերին ստուգել են EGER-ի մակարդակը և պարզել, որ ընկալիչն առավել ակտիվ է քնած ժամանակ և ոչ ակտիվ՝ առույգ ժամանակ:
Գիտափորձի արդյունքում գիտնականները պարզել են, որ զգալի տարբերություն կա ուռուցքների չափերի միջև՝ կախված այն բանից, թե փորձարկվող մկները երբ են ստացել հակաքաղցկեղային դեղորայքը՝ գիշե՞րը, թե՞ ցերեկը:
