Բարեգործության ծավալներն ընկնում են ամբողջ աշխարհով մեկ, քանի որ նվազում են ինչպես անհատական նվիրատվությունները, այնպես էլ խոշոր դոտացիաները: Միևնույն ժամանակ, աճում է ոչ առևտրային բարեգործական կազմակերպությունների պահանջարկը:
Ինչչպես հաղորդում է The Financial Times-ը, բարեգործության ոլորտի փորձագետները կարծում են, որ հազիվ թե հնարավոր լինի ակնկալել ոլորտի բարելավում 2013 թ.: Անհատական նվիրատվությունները, որոնք բարեգործական կազմակերպությունների ֆինանսավորման հիմնական աղբյուրներից են, կտրուկ նվազել են արևմտյան երկրների մեծ մասում: Ֆինանսական ճգնաժամի պատճառով կրճատվել են նաև խոշոր նվիրատվությունները:
Նվիրատվությունների պաշտոնական ցուցակի համաձայն՝ 2012 թ. ԱՄՆ-ում մեկ միլիոն դոլարից սկսած նվիրատվություւների գումարը կազմել է 11 միլիարդ դոլար այն դեպքում, երբ 2007 թ. այդ ցուցանիշը եղել է 43 միլիարդ դոլար: Այս գումարը դարձել է նվազագույն ցուցանիշը 2000 թվից հետո:
Million Pound Donors Report-ի բրիտանական ցուցակը վկայում է այն մասին, որ 1 միլիոն ֆունտ սթերլինգից սկսած նվիրատվությունների ծավալը Մեծ Բրիտանիայում նվազում է երկրորդ տարին շարունակ և 2010-2011 թթ. հասել է 1.24 միլիարդ ֆունտ ստերլինգի, ինչը նվազագույն մակարդակ է՝ 2006 թվից սկսած: Ընդհանուր առմամբ, Մեծ Բրիտանիայում մեկ տարվա ընթացքում նվիրատվությունների ծավալը նվազել է 15%-ով՝ մինչև 9.3 միլիարդ ֆունտ (2011-2012 թթ.), ինչը ամենակտրուկ կրճատումն է ութ տարվա ընթացքում: