Արքայադուստր Մադլենի՝ Շվեդիայի թագավոր Կառլ XVI Գուստավի և Սիլվիա թագուհու կրտսեր դստեր հարսանիքը տեղի կունենա 2013 թ. հունիսի 8-ին: Այս մասին տեղեկացնում է Associated Press-ը:
Թագավորական ընտանիքի պաշտոնական ներկայացուցիչ Բերթիլ Թեներթայի խոսքերով՝ 30-ամյա արքայադուստրը և նրա ընտրյալը՝ 38-ամյա ամերիկացի բանկիրը, կամուսնանան Ստոկհոլմում: Նա նշել է, որ այս հարսանիքն ավելի համեստ կլինի, քան Մադլենի քրոջ՝ Վիկտորյայի հարսանիքն էր:
Ինչպես տեղեկացնում են ԶԼՄ-ները, Մադլենն իր նշանածին հանդիպել է 2010 թ.՝ ստոկհոլմցի իրավաբան Յոհանս Բերգսթրեմի հետ չեղյալ հայտարարված նշանադրությունից հետո: Թագավորական տան մամլո ծառայության տեղեկատվությամբ՝ զույգը բաժանվել էր հարաբերություններում առկա ճգնաժամի պատճառով: Ենթադրվում է, որ Բերգսթրեմը նշանադրությունից հետո դավաճանել էր իր հարսնացուին:
