Գերմանական Siemens կոնցեռնը կրճատելու է էներգետիկայի բաժնի 1100 աշխատատեղ,- հաղորդում է Associated Press-ը: Կրճատումներն իրականացվելու են Գերմանիայում և առաջին հերթին վերաբերվելու են ջերմային էլեկտրակայանների, նավթային և գազային ճյուղերին:
Նախատեսվում է կրճատումներն իրականացնել ոչ թե աշխատանքից հեռացնելու ճանապարհով, այլ թափուր աշխատատեղերը փակելու հաշվին: Siemens-ի էներգետիկայի ոլորտում աշխատում է շուրջ 86 հազար մարդ, որոնցից 26 հազարը՝ Գերմանիայից:
Նոյեմբերի սկզբին Siemens-ը հայտարարել էր, որ մինչև 2014 թ. մտադիր է ծախսերը կրճատել 6 միլիարդ եվրոյով՝ համաշխարհային տնտեսության թուլացման պայմաններում մրցունակությունը պահպանելու համար:
Ավելի վաղ գերմանական կոնցեռնը հաղորդել էր, որ հօգուտ ջրի և քամու էներգիայի՝ մտադիր է հրաժարվել արևային մարտկոցներից և էապես կրճատել էներգիայի այլընտրանքային աղբյուրների զարգացման ծրագիրը:
General Electric-ի մրցակից հանդիսացող Siemens AG կոնցեռնը ներկայացված է աշխարհի ավելի քան 190 երկրներում, այն ունի ավելի քան 400 հազար աշխատակից:
