Ծննդյան տոների արձակուրդները ԱՄՆ-ի Միչիգան նահանգի մի շարք դպրոցներում սկսվել են սովորականից 1-2 օր շուտ՝ մտավախություն ունենալով դպրոցականների շրջանում բռնությունների աճից՝ կապված աշխարհի վերջի մասին լուրերի հետ,- գրում է USA Today թերթը՝ հղում անելով տեղի ԶԼՄ-ներին:
Ջենեսի շրջանի ուսուսմնական հաստատութունների ղեկավարությունը, լսելով Միչիգանի դպրոցներում բռնության դեպքերի հնարավոր բռնկումների մասին, որոշում է կայացրել դպրոցականներին երեկվանից արձակուրդի ուղարկել: Որոշ դպրոցներում արձակուրդներն այսօր կսկսվեն:
Ընդ որում, դպրոցների ղեկավարությունը ոչ մի հստակ տեղեկություն չունի վտանգի առկայության մասին, միջոցառումները ձեռնարկվել են՝ նախազգուշական նկատառումներից ելնելով,- գրում է USA Today-ը:
Պարբերականի տեղեկությունների համաձայն՝ անհնագստության առիթ է Կոնեկտրիկուտի «Սենդի Հուկ» դպրոցի ողբերգությունը , որտեղ 20-ամյա Ադամ Լանզան սպանել էր 27 մարդու:
