Աշխարհի և Եվրոպայի մարտական սամբոյի չեմպիոն, ММА-ի բռնցքամարտիկ Ալեքսանդր Եմելյանենկոն ավարտել է իր մարզական կարիերան:
«Հարգելի երկրպագուներ, ցանկանում եմ շնորհակալություն հայտնել ձեզ այն բանի համար, որ աջակցել եք ինձ` անկախ իմ մասին շրջանառվող տեղեկություններից:
Ցավոք, այլևս չեմ կարող հանդես գալ ռինգում` առողջական խնդիրների պատճառով, որոնք պայմանավորված են նախկին վնասվածքներով: Անկասկած, ինձ համար բարդ է նման որոշում կայացնել: Այն, որ դուք երբեք անտարբեր չեք եղել իմ նկատմամբ, ստիպել է ինձ առաջ շարժվել և նոր հաջողություններ գրանցել:
Այժմ ցանկանում եմ զբաղվել միայն իմ առողջական վիճակով, ընտանիքով, որը ես կորցրել եմ: Շնորհակալ եմ ամեն ինչի համար»,- հայտարարել է մարզիկն իր պաշտոնական կայքում:
Հիշեցնենք, որ ընթացիկ տարում իր մարզական կարիերան ավարտել է նաև Ալեքսանդրի ավագ եղբայրը՝ Ֆյոդոր Եմելյանենկոն:
