Այսօր Ռուսաստանի նախագահ Վլադիմիր Պուտինը կմասնակցի միանգամից երեք՝ ՀԱՊԿ-ի, ԵվրԱզԷՍ-ի և Մաքսային միության գագաթնաժողովներին: Այս մասին հայտնում է «Գոլոս Ռոսիի» ռադիոկայանը:
Ինչպես հստակեցրել է Կրեմլի մամլո ծառայությունը ՝ ՀԱՊԿ հավաքական անվտանգութան խորհրդի նիստին կողմերը կքննարկեն ակտուալ միջազգային և տարածաշրջանային խնդիրներ, այդ թվում՝ իրադրությունն Աֆղանստանում, հավաքական անվտանգության համակարգերի և արտակարգ իրավիճակներում հավաքական արձագանքման միջացառումների կատարելագործման տարբերակները:
ԵվրԱզԷՍ-ի գագաթնաժողովը, որին կմասնակցեն Ռուսաստանի, Բելառուսի, Ղազախստանի, Ղրզըզստանի և Տաջիկստանի առաջորդները, կքննարկի կառուցի հետագա վերակազմավորման և ֆինանսական բնույթի հարցեր, այդ թվում 2011-ի կազմակերպության բյուջեի կատարման մասին հաշվետվությունը, 2013-ի բյուջեի նախագիծը: Այս մասին լրագրողներին հայտնել է ՌԴ նախագահի օգնական Յուրի Ուշակովը:
Վլադիմիր Պուտինը չորեքշաբթի երկկողմ հանդիպումներ կանցկացնի ՀՀ նախագահ Սերժ Սարգսյանի, Ղազախստանի նախագահ Նուրսուլթան Նազաբաևի և Բելառուսի նախագահ Ալեքսանդր Լուկաշենկոյի հետ: Հանդիպումները տեղի կունենան ՀԱՊԿ հավաքական անվտանգության խորհրդի, ԵվրԱզԷՍ-ի միջպետական խորհրդի և Բարձրագույն եվրասիական տնտեսական խորհրդի հանդիպումներից հետո:
