Սիրայի կառավարությունը քիմիկան զենք չի կիրառի, Արևմուտքն իր ուշադրությունը թող ուղղի Բահրեյնի վրա։ Այս մասին երեքշաբթի օրը հայտարարել է Իրանի ԱԳ փոխնախագահ Հոսեյն Ամիր Աբդոլլահիանը։
Նա ասել է, որ Բահրեյնում թույլ քիմիական զենք են օգտագործել, որի արդյունքում տասնյակ մարդ է զոհվել։ Իսկ հումքը ներմուծվում է արևմտյան երկրներից։
ՄԱԿ-ում Սիրիայի մշտական ներկայացուցիչ Բաշար Ջաֆարին ՄԱԿ-ի գլխավոր քարտուղարին ուղղված նամակում մտահոգություն է հայտնել, որ ահաբեկչությունը հովանավորող որոշ երկրներ կարող են քիմիական զենք մատակարարել ահաբեկիչներին, այնուհետև քիմիական զենք կիրառելու համար մեղադրել սիրիական կառավարությանը։
Նամակում հաստատվել է, որ քիմիական զենքի կիրառման մեջ մեղադրելով՝ արևմտյան երկրները կարող են ներխուժել Սիրիա, սակայն Սիրիան չի կիրառի այն։
Հաղորդվել է, որ BND Ֆեդերալ ինֆորմացիոն հետախուզական ծառայության տվյալներով՝ Սիրիայի տարածքի զինապահեստներում մեծ քանկությամբ քիմիական զենքի պաշարներ են հայտնաբերվել, որը մտահոգությունների տեղիք է տալիս։ Ըստ ծառայության ղեկավարի՝ 1000 տոննա քիմիական զենքի հումք կա, և 4-6 ժամում կարելի է պատրաստի զենք ստանալ։
ՌԴ ԱԳ նախարար Լավրովի կարծիքով՝ Սիրական կառավարությունը քիմզենք չի օգտագործում, սակայն ընդդիմադիրների կողմից այդ վտանգը կա, քանի որ նրանց շարքերում կռվում են «Ալ-Քաիդայի» գրոհայիններ, որոնց մոտ կարող է քիմզենք հայտնվել։
