Չհրկիզվող շքեղ պահարաններ արտադրող ընկերությունը ոչինչ չի խնայում, որպեսզի հարուստ ու հանրահայտ մարդիկ չանհանգստանան իրենց թանկարժեք իրերի պահպանության համար:
Գերմանական Doettling ընկերության վերջին ստեղծագործությունն ուղղակի ցնցում է երևակայությունը. նրա աշխատակիցները մի պահարան են ստեղծել, որը կարելի է… կրել:
Guardian անվանմամբ այս պահարանը կշռում է ընդամենը 4 կգ: Սա աշխարհում առաջին պայուսակն է, որը օժտված է անվտանգության այսպիսի բարձր մակարդակով: Այն ունի բռնակ և գոտի:
Պայուսակի մեջ կարելի է վեց թանկարժեք ժամացույցներ, թանկարժեք իրեր, գումար և այլ կարևոր փաստաթղթեր պահել: Այն գլանի տեսք ունի՝ բազմաշերտ շատ ամուր պատերով, որոնք պատված են թանկարժեք կաշվով:
Պայուսակը պատրաստված է այնպիսի նյութերից, որոնք շատ դժվար է կտրել կամ ծակել:
Դրա վրա տեղադրված է այնպիսի փական, որը բացվում է միայն եռանիշ գաղտնաբառով: Պայուսակի մեջ տեղադրված է մի սարք, որը տիրոջը հայտնում է իր գտնվելու վայրի մասին, այնպես որ չարամիտներն այն բացելու ժամանակ չեն ունենա:
Այս յուրօրինակ արտադրանքի գինը դեռ հայտնի չէ:
