1952թ. սեպտեմբերի 16-ին ԱՄՆ Նյու Յորք նահանգում ծնվեց դերասան, նախկին բռնցքամարտիկ Միկի Ռուրկը (Ֆիլիպ): Նրան ոմանք համարում են անհաջողակ, ոմանք՝ մեր ժամանակների ամենաակնառու դերասաններից մեկը, գրում է kommersant.ru-ն:
Սկսել է բոքսով զբաղվել դպրոցական տարիներից` միաժամանակ խաղալով դպրոցի թատերական խմբակում: Անցկացրել է բոքսի 47 մարտ, սակայն 19 տարեկանում ուղեղի ցնցման պատճառով ստիպված հրաժեշտ է տվել մարզաձևին:
400 դոլար պարտք վերցնելով՝ ապագա դերասանը գնում է Նյու Յորք ու միանում Actors’ Studio-ին: 1978 թվականին նա տեղափոխվում է Լոս Անջելես, որտեղ նրան նկատում է Սպիլգերգը և հրավիրում նկարահանվելու «1941» ֆիլմում:
Ապա նկարահանվում է «Վիշապի տարին», «Կնքահայր Գրինվիչ Վիլիջը» և հայտնի «9 ու կես շաբաթ» ֆիլմերում, որոնք նրան համաշխարհային փառք են բերում՝ դարձնելով 1980-ականների գլխավոր սեքս-խորհրդանիշ:
Դերասանը խոր դեպրեսիայի մեջ է ընկնում իրեն արժանի դերեր չառաջարկելու պատճառով:
2009 թվականին ներկայացվել է «Օսկարի»՝ «Ռեստլեր» ֆիլմի համար: Ստացել է մոտ 25 կինոմրցանակ, այդ թվում՝ «Ոսկե Գլոբուս» և BAFTA։
