«Եթե մենք ուզում ենք գյուղատնտեսությունում կտրուկ աճ ապահովել, իմ խորին համոզմամբ, ամբողջությամբ պետք է անվճար դարձնենք ոռոգման համակարգը»,- «Առաջին լրատվականի» հետ զրույցում այսօր ասաց ԱԺ ՀՅԴ խմբակցության պատգամավոր Արծվիկ Մինասյանը:
«Հողի որակական հատկանիշների բարելավման ուղղությամբ կտրուկ միջոցառումներ պետք է իրականացնել` թե՛ պարարտանյութերի զանգվածային ներառմամբ, թե՛ առանձին հողատարածքների ցանքաշրջանառության կազմակերպման ուղղությամբ, ինչը չի արվում: Միջատների, կրծողների դեմ համատարած պայքար պետք է իրականացվի:
Այսօրվա կցկտուր կիսատ-պռատ և գյուղացիական առանձին տնտեսությունների վրա թողնվող պայքարը ոչ մի օգուտ չի տալիս: Որքան էլ գյուղնախարարը գնա գյուղացու մոտ, նախագահը կոչ անի, վարչապետն էլ փորձի կթվորուհիներին խորհուրդ տալ, դրանով հնարավոր չէ գյուղատնտեսություն զարգացնել»,- նշեց տնտեսագետը:
