Այսօր՝ հուլիսի 30-ին, ողբերգական դեպք է տեղի ունեցել Արարատի մարզում: Ֆոտոլրագրող Գագիկ Շամշյանի փոխանցմամբ՝ 2 օր առաջ Արարատի մարզի Արևշատ գյուղի բնակչուհի՝ 28-ամյա Եպրաքսյա Գրիգորյանի ամուսինը՝ 33-ամյա Սարգիս Ամիրյանն իր ընտանիքի անդամների հետ կնոջը տեղափոխել է Արտաշատ քաղաքի հիվանդանոցի մանկաբարձական գինեկոլոգիական բաժանմունք:
Ֆոտոլրագրողի հետ զրույցում Եպրաքսյայի հարազատները զայրացած ու արդարացիորեն բարձրաձայնել են, որ այսօր առավոտյան նա պետք է աղջիկ երեխա ունենար, սակայն որոշ ժամանակ անց հիվանդանոցի բժշկուհի Կարինե Հովհաննիսյանը, ով, ըստ հավաքվածների, նախկին դատավորի աղջիկ է, նրանց հայտնել է, որ դժբախտություն է տեղի ունեցել. պորտալարը փաթաթվել է երեխայի պարանոցին և երեխան խեղդվել է: Հարազատները զայրացած ու նյարդայնացած պահանջում են բժիշկներից ճշմարտությունն ասել, սակայն վերջիններս տուժածներին ցավակցելու փոխարեն սպառնում են, որ կդիմեն ոստիկանություն, իսկ բժիշկներից մեկը նրանց ասել է. «Դե, ի՞նչ անենք: Մենք չէինք ուզում, որ այդպես լիներ, դեպք է, պատահել է, ցավում ենք»:
Հարազատները ասել են, որ երեխայի մահը տեղի է ունեցել բժիշկների կողմից թույլ տրված անփության պատճառով:
Ամբողջությամբ՝ սկզբնաղբյուր կայքում:
