Բրիտանական Led Zeppelin ռոք-խումբը կթողարկի ավելի վաղ չթողարկված Stairway To Heaven երգի այլընտրանքային տարբերակը, հայտնում է Independent-ը՝ հղում անելով Atlantic լեյբլի մամլո ծառայությանը: Թրեքը կներառվի Led Zeppelin IV ալբոմի վերաթողարկված տարբերակում, որի շնորհանդեսը նախատեսված է հոկտեմբերին: Ձայնագրությունը տրամադրել է խմբի կիթառահար Ջիմի Փեյջը:
«Stairway To Heaven-ի այլընտրանքային տարբերակը ձայնագրվել է Sunset Sound Studio-ում Լոս Անջելեսում, և երկրպագուները կլսեն բոլոր ժամանակների ամենահարգված երգերից մեկն այնպես, ինչպես նախկինում երբեք չեն լսել»,- նշում են Atlantic-ի ներկայացուցիչները:
Խումբը պատրաստում է նաև Houses of the Holy ալբոմի նոր տարբերակը: Երկու երգերի ժողովածուներն էլ կթողարկվեն CD-ով և վինիլային տարբերակով: Դրանցում կընդգրկվեն մի քանի այլ՝ ոչ այնքան հայտնի և նախկինում չթողարկված թրեքեր:
Stairway to Heaven երգը թողարկվել է 1971-ին և դարձել խմբի այցեքարտը: Led Zeppelin IV ալբոմը, որում ընդգրկված է թրեքը, թողարկվել է նույն տարում: