Իսպանացի թենիսիստ Ռաֆայել Նադալը, ով չի մասնակցել ATP մրցաշարերին սկսած «Ուիմբլդոն-2012»-ից, հայտնել է իր ապաքինման ընթացքի մասին և նշել մրցաշրջանի համար նախատեսած իր անելիքները:
«Ապաքինումը հաջող է ընթանում, բժիշկներն առաջընթաց են նկատում: Ցանկանում եմ կորտ վերադառնալ հունվարին: Իհարկե չեմ կարծում, թե կարող եմ Australian Open-ի հաղթող դառնալ: Ամեն դեպքում, պետք է իրատես լինել: Վերադարձից հետո սկզբնական մրցաշարերի արդյունքն ինձ ընդհանրապես չի հուզելու:
Բավականին ժամանակ է, որ կորտ դուրս չեմ եկել, և այժմ մտածում եմ միայն մարզավիճակիս մասին: Ես չէի հուզվի անգամ եթե զբաղեցնեի վարկանշային աղյուսակի 15-րդ հորիզոնականը: Կարևորն այն է, որ լավ մարզավիճակ ձեռք բերեմ»,- Նադալի խոսքերը մեջբերում են իսպանական լրատվամիջոցները:
