Грузия Online-ի փոխանցմամբ՝ Վրաստանի փոխարտգործնախարար Դավիթ Ջալագանիան այսօր մեկնաբանել է Պաղեստինի վերաբերյալ ՄԱԿ-ի բանաձևի օգտին քվեարկելը.
«Վրաստանն այդպես է քվեարկել բանակցային բոլոր կողմերի հետ իրականացված խորհրդակցությունների հիման վրա: Մասնավորապես, խորհրդակցություններ են անցկացվել ԱՄՆ-ի, Իսրայելի ու Եվրոպայի երկրների հետ: Վրաստանի համար շատ կարևոր են Մերձավոր Արևելքի հետ բազմադարյա կապերը, ինչպես նաև արաբների ու հրեաների հետ համագործակցությունն ու բարեկամությունը: Այդ տարածաշրջանում կայունության ձեռքբերումը մենք դիտարկում ենք որպես մեր ազգային շահ:
Վրաստանը փորձում է հետևողական լինել իր արտաքին քաղաքականությունում, և Պաղեստինի հարցում նա շարունակում է այն դիրքորոշումը, որը տարիների ընթացքում ունեցել է միջազգային արենայում: Մենք վստահ ենք, որ դա չի հանգեցնի Իսրայելի հետ հարաբերությունների վատթարացմանը: Իսրայելը դեռ բողոք չի հայտնել այդ բանաձևի կապակցությամբ: Ամեն դեպքում, այդ բանաձևին աջակցելը նախապես համաձայնեցված է եղել Իսրայելի վարչապետի և Վրաստանում Իրանի դեսպանի հետ»:
