Shamshyan.com-ը հայտնում է.
Այսօր՝ հուլիսի 24-ին սպանություն է տեղի ունեցել Սյունիքի մարզում:
Ժամը 05:00-ի սահմաններում ոստիկանության Գորիսի բաժին ահազանգ է ստացվել, որ Երևան-Գորիս ավտոճանապարհի 241-րդ կմ հատվածում, Քարահունջ գյուղի վարչական տարածքում մահացած տղամարդ կա: Ինչպես հայտնում է ֆոտոլրագրող Գագիկ Շամշյանը, նշված գյուղ են մեկնել ոստիկանության Գորիսի բաժնի օպերատիվ խումբը, Գորիսի ոստիկանապետ Արմեն Հովհաննիսյանի գլխավորությամբ: Տեղում քննչական աշխատանքները ղեկավարել է ոստիկանության քննչական գլխավոր վարչության Սյունիքի մարզի քննչական բաժնի Գորիսի քննչական բաժանմունքի քննիչ Արման Մանուչարյանը: Օպերատիվ քննչական խումբը գյուղի կիսակառույց շենքերի մոտ հայտնաբերել է Կապան քաղաքի բնակիչ 28-ամյա Արթուր Մարտիրոսյանի դին, գլխի և մարմնի մասում վնասվածքներ ստացած:
Դատաբժշկի նախնական եզրակացության համաձայն Ա. Մարտիրոսյանը մահացել է հարվածներից և մինչ ոստիկանությունը դեպքի վայրում քննչական գործողություններ էր կատարում, մեղայականով Գորիսի ոստիկանություն է ներկայացել Կապան քաղաքի բնակիչ 48-ամյա Ալեքսանդր Հովհաննիսյանը և խոստովանել, որ սպանությունը կատարել է ինքը քանի, որ վիճաբանություն է տեղի ունեցել իր և սպանվածի միջև, որի ժամանակ Ա. Մարտիրոսյանը հայհոյանքներ է տվել իր ծնողների հասցեին, ինչից հետո տեղի ունեցել վիճաբանություն և այն ավարտվել սպանությամբ:
Ֆոտոլրագրողի տեղեկություններով Ա. Մարտիրոսյանը հայտնել է նաև, որ մի քանի անգամ երկաթե լոմով (արմատուրա) հարվածել է իր զոհին:
Ամբողջական հոդվածը՝ սկզբնաղբյուր կայքում
