Ռեուվեն Ռիվլինը այսօր կերդմնակալի և կանցնի Իսրայելի նախագահի պաշտոնի պարտականությունների կատարմանը: Երդմնակալության արարողությունը տեղի կունենա Երուսաղեմում՝ Կնեսետի (խորհրդարան) շենքում: Անձամբ Ռիվլինի և Կնեսետի խոսնակ Յուլիա Էդելշտեյնի համապատասխան հրահանգով՝ արարողությունը կանցկացվի կրճատված ծրագրով՝ կապված Գազայի հատվածում շարունակվող ռազմական գործողության և պաղեստինյան անկլավի կողմից Իսրայելի չընդհատվող հրթիռակոծությունների հետ՝ գրում է ITAR-TASS-ը:
«Այն դեպքում, երբ Իսրայելի պաշտպանության բանակի զինվորները կռվում են, իսկ Իսրայելի քաղաքացիները սպառնալիքի են ենթարկվում հրիթռակոծությունների պատճառով, մենք որոշեցինք, որ երդմնակալությունը պետք է անցկացվի ավելի կրճատ և համեստ ծրագրով»,- ասել են Ռիվլինը և Էդելշտեյնը համատեղ հայտարարությամբ:
Հաղորդվում է, որ Ռիվլինը կերդմնակալի խորհրդարանի առջև՝ ինչպես և ծրագրվում էր: Սակայն հանդիսավոր արարողությունը՝ Կնեսետի պատվո պահակախմբի մասնակցությամբ, կկրճատվի, իսկ ընդունելությունը, որը երդմնակալությունից հետո պետք է տեղի ունենար Կնեսետի սրահում, չեղյալ կհայտարարվի:
