Տանջում են մռայլ մտքե՞րը: Պատռեք և դեն նետեք: Ազգային գիտական ֆոնդի հաղորդմամաբ` բացարձաակապես լրջորեն այսպիսի խորհուրդ են տալիս Օհայոյի և Մադրիդի համալսարանների հոգեբանները, որոնք այս հարցի վերաբերյալ իր տեսակի մեջ առաջին հետազոտությունն են կատարել:
Աշխատանքը հաստատել է, որ թղթի կտորի վրա մռայլ մտքերն ու տհաճ ապրումները գրի առնելու, թուղթը պատռելու և դեն նետելու դեպքում իսկապես հոգեկան թեթևություն կզգաք: Մյուս կողմից` եթե դուք շատ լավ միտք եք ունեցել, այն գրառել ու պահել, ձեզ համար հեշտ կինի այն իրագործել` նույնիսկ չանդրադառնալով այդ թղթին:
«Այն, թե դուք ինչպես եք ընդունում ձեր մտքերը` որպես ա՞ղբ, թե՞ որպես մեծ ձեռքբերում, նշանակություն ունի դրանց հետագա օգտագործման համար»,- ասել է հետազոտության ամերիկացի համահեղինակ Ռիչարդ Փեթթին: Ըստ նրա` սա հաստատում է, որ մտքերին, ամեն դեպքում` խոսքի վերածվածներին, պետք է լիովին որպես նյութական օբյեկտ վերաբերվել:
«Մենք պարզել ենք, որ ֆիզիկապես պահելով կամ դեն նետելով ձեր մտքերը` դուք ազդում եք դրանց հետագա ճակատագրի վրա»,- նշել է Փեթթին:
Մամլո հաղորդագրության համաձայն` այս աշխատանքի համար գործնական փորձարկումները կատարվել են հարյուրավոր իսպանացի աշակերների և ուսանողների վրա: Նրանց խնդրել են գրառել սեփական մտքերը մի դեպքում` սեփական արտաքինի մասին, մյուս դեպքում` համեղ սննդի: Մասնակիցների մի մասը թղթերը դեն է նետել, մյուս մասը` պահել: Եվս մեկ փորձի ժամանակ գրառումներն արվել են ոչ թե թղթի վրա, այլ համակարգիչներ էկրանին: Արդյունքները բոլոր դեպքերում նույնն են եղել. բացասական մտքերն ավելի քիչ տանջել են նրանց, ովքեր թղթերը դեն են նետել,- հայտնում է ITAR-TASS-ը:
