Հեռահաղորդակցային սարքավորումներ արտադրող շվեդական Ericsson ընկերությունը դատական հայց է ներկայացրել հարավկորեական Samsung կորպորացիայի դեմ ԱՄՆ-ում ընկերության պատենտները խախտելու համար, հաղորդում է Life News-ը:
Պաշտոնական հաղորդագրության մեջ նշվում է, որ նոյեմբերի 27-ին Ericsson-ը դատական հայց է ներկայացել Samsung-ի դեմ: Այս որոշմանը նախորդել են երկու տարի տևած բանակցությունները, որոնք որևէ արդյունք չեն տվել:
Ներկայացված հայցի համաձայն՝ երկու մրցակիցների միջև վեճը վերաբերում է Ericsson-ի պատենտավորված տեխնոլոգիային, որը հեռահաղորդակցային և ցանցային ստանդարտների հիմնական բաղադրիչն է, որոնք օգտագործվում են Samsung-ի արտադրանքում:
Նշենք, որ ամերիկյան Apple ընկերությունը ևս մի քանի դատական հայց է ներկայացրել Samsung-ի դեմ:
