Ռուսական «Վզգլյադ» թերթի փոխանցմամբ՝ Վրաստանի փոխարտգործնախարար Նիկոլոզ Վաշակիձեն նշանակվել է 2008 թվականի օգոստոսյան պատերազմից հետո տարվող Կովկասի անվտանգության վերաբերյալ Ժնևյան բանակցություններում վրացական պատվիրակության ղեկավար:
Այս մասին հայտարարել է Վրաստանի արտգործնախարար Մայա Պանջիկիձեն: Այդ բանակցություններին մասնակցում են ԱՄՆ-ը, ԵՄ-ը, ԵԱՀԿ-ն, ՄԱԿ-ը, Ռուսաստանը, Աբխազիան ու Հարավային Օսիան: Ժնևյան բանակցությունների հաջորդ՝ 22 –րդ, փուլն անցկացվելու է դեկտեմբերի 11-12-ը:
Ավելի վաղ Ժնևյան բանակցություններում վրացական պատվիրակությունը գլխավորում էր փոխարտգործնախարար Սերգի Կապանաձեն, սակայն հոկտեմբերի 1-ի խորհրդարանական ընտրություններում «Վրացական երազանք» դաշինքի տարած հաղթանակից հետո Կապանաձեն ստիպված էր լքել զբաղեցրած պաշտոնը:
