Վիրահատարանում կատարված բացառիկ նկարահանումների շարքից այս անգամ «Առաջին լրատվական»-ը ներկայացնում է հաճախակի հանդիպող ազդոսկրի կոտրվածքները, վիրահատական ու հետվիրահատական գործողությունները: Հետևենք վիրահատարանում կատարված մի քանի ժամյա բարդ գործողության ողջ ընթացքին: Վիրահատությունը կատարում է վնասվածքաբանության և օրթոպեդիայի գիտական կենտրոնի ոսկրային պաթոլոգիայի և մեծերի օրթոպեդիայի բաժնի բժիշկ Սերոբ Համբարձումյանը:
Ազդոսկրի վզիկի կոտրվածքներն ամենահաճախ հանդիպողն են միջինից բարձր տարիքային խմբում:
Օստիոպարոդիկ կոտրվածքներից կարելի է առանձնացնել ազդոսկրի տամբիոնաձիգ ու միջտամբիոնաձիգ կոտրվածքները: Սրանց տարբերությունն այն է,որ ազդոսկրի կոտրվածքների դեպքում 50-ն անց տարիքում ոսկորն այլևս չի սերտաճում,ինչի հետևանքով մարդն այլևս ոտքի վրա հենվել չի կարողանում: Նման խնդիրների դեպքում լավագույն միջոցը վիրահատական միջամտությունն է:
Բոլոր հետ կլիմակտերիկ շրջանի կանանց,ինչպես նաև 60-ն անց տարիքի բոլոր տղամարդկանց խորհուրդ է տրվում տարին գոնե 1 անգամ կատարել ոսկրային դենսիտրոմետրիա՝ որոշելու ոսկրային խտությունը:Նման հետազոտությունը հնարավորություն է տալիս ախտորոշելու և խնդրի դեպքում վերականգնելու ոսկրերի խտությունը՝կանխելով հետագա բարդությունները:
Բարդությունների դեպքում անհրաժեշտ է կատարել վիրահատական մեթոդի ճիշտ ընտրություն՝ հնարավորինս նվազեցնելով հետվիրահատական բարդությունների առաջացման հավանականությունը:
