Հակամարտության 8 օրերի ընթացքում իսրայելական «Երկաթե գմբեթ» հակահրթիռային պաշտպանության համակարգով Գազայից արձակված հրթիռների «որսը» երկրի բյուջեին 25-30 մլն դոլար է արժեցել:Այս մասին հայտնել է Իսրայելի քաղաքացիական պաշտպանության նախարար Ավի Դիխտերը: Նա նշել է, որ համակարգը լիովին արդարացրել է ծախսված միջոցները:
«Եթե «Երկաթե գմբեթի» բաժնետոմսերը շրջանառվեին բորսայում, ապա դրանց արժեքը մի քանի անգամ կբարձրանար»,-իսրայելական ռադիոյի հետ հարցազրույցում նշել է Դիխտերը, փոխանցում է Interfax-ը:
Իսրայելական հակահրթիռային պաշտպանությունը ոչնչացրել է Գազայից արձակված 1500 հրթիռներից 421-ը:
Պաղեստինի ազատագրման կազմակերպության գործկոմի անդամ Սալեհ Ռաֆաթը հայտարարել է, թե իմաստ չունի, որ պաղեստինցիները վերադառնան Իսրայելի հետ խաղաղ բանակցությունների այնքան ժամանակ, քանի դեռ իշխանության է Նեթանյահուի կառավարությունը:
