Ցանցահենները Windows 8 օպերացիոն համակարգի վերջնական տարբերակը տեղադրել են դեռևս օգոստոսի սկզբին, այն բանից հետո, երբ Microsoft-ը հայտարարել է համակարգի շուրջ աշխատանքների ավարտի մասին: Այդ ժամանակից ի վեր ցանցահենները գլուխ են կոտրում՝ ինչպես շրջանցել ակտիվացումը:
Ամենապարզ տարբերակը համարվում է Key Management Services կողմնակի սերվերների որոնումը, որի շնոիհիվ հնարավոր է ստանալ ժամանակավոր բանալի` գործունեության սահմանափակ ժամկետով (180 օր): Այս մեթոդի թերությունն այն է, որ յուրաքանչյուր կես տարին մեկ անգամ պահանջում է վերաակտիվացում:
Սակայն Microsoft-ը հեշտացրել է ցանցահենների աշխատանքը` թույլ տալով նրանց (հավանաբար սխալմամբ) «օրինականացնել» օպերացիոն համակարգը: Դա հնարավոր է իրականացնել՝ ընկերության կայքում տեղադրելով մեդիանվագարկիչ Windows Media Center (WMC) ցանցահենական կրկնօրինակի վրա: Գուցե Windows 8-ի Pro տարբերակի տերերին Microsoft-ն անվճա՞ր է տրամադրում WMC-ը` ակցիայի շրջանակներում, որը կտևի մինչև 2013 թ. հունվարի 31-ը:
Այժմ ցանցահենները կարող են ներբեռնել Windows 8-ի անօրինական տարբերակը, ժամանակավոր ակտիվացնել այն KMS-ի միջոցով և ստանալ լիցենզիոն բանալին Microsoft-ից` տեղադրելով անվճար WMC:
Microsoft-ը դեռևս ոչ մի մեկնաբանություն չի տվել այս առիթով:
