Իտալական Benetton հագուստի խանութը իր սրահներում այնպիսի մանեկեններ կտեղադրի, որոնք կարող են հետևել այցելուներին՝ շնորհիվ ներդրված տեսախցիկների,- հաղորդում է Bloomberg-ը:
Այս մանեկենները մշակվել են Almax SpA ընկերության կողմից և ստացել են EyeSee անվանումը: Տեսախցիկը տեղակայված է մանեկենի աչքերից մեկի մեջ՝ հաճախորդներից աննկատ: Արդեն կան տղամարդկանց, կանանց և երեխաների նմանատիպ մանեկեններ՝ չնայած նրան, որ մեկ ֆիգուրի արժեքը չորս հազար եվրո է:
Դրանց նպատակը վաճառակետերի այցելուների մասին տեղեկություն հավաքելն է: Ծրագիրը վերլուծում է պատկերը՝ որոշելով սեռը, տարիքը և այցելուի ռասան:
Խանութներից ստացված տեղեկությունների վրա հենվելով՝ ղեկավարությունը կարող է հասկանալ, թե ինչպիսի հագուստ է ցանկանում տեսնել հաճախորդը:
Այնուամենայնիվ, Benetton-ը չի մանրամասնում, թե կոնկրետ որ խանութներում են լինելու այդ մանեկենները:
