Իսպանիայի ԱԳՆ-ն պատրաստ է թեթևացնել բնակության իրավունքի հատկացումը օտարերկրացի անշարժ գույք գնողների համար: Ելույթ ունենալով կոնգրեսի նիստին՝ Իսպանիայի արտգործնախարար Խոսե Մանուել Գարսիա-Մարգալոն հաստատել է, որ կառավարությունն ակտիվորեն պատրաստվում է համապատասխան օրենքի ընդունմանը: Այս մասին հաղորդում է Euromag-ը:
Նրանք, ովքեր իսպանական անշարժ գույքի սեփականատեր կդառնան, կարող են հուսալ բնակության թույլտվություն ստանալ, իսկ այդ գործընթացը նրանց համար առավելագույնս հեշտացված է լինելու՝ հաղորդել է նախարարություն: Մասնավորապես, նախատեսվում է հեշտացնել նման օտարերկրացիների վիզաների ստացման գործընթացը՝ հաղորդում է El Pais-ը:
Այս փոփոխություններն ուժի մեջ կմտնեն 2013թ-ին, սակայն այն վերաբերելու է այն բնակարանների սեփականատերերին, ում գնումը 250.000 եվրոյից պակաս չի լինելու:
Նմանատիպ ծրագրեր արդեն գործում են եվրոպական որոշ երկրներում, օրինակ՝ Բուլղարիայում, Կիպրոսում և Լատվիայում: Լատվիայի պայմաններն ամենամատչելին են, անհրաժեշտ է գնել նվազագույնը 150.000 դոլար արժողությամբ տուն: Իսկ ահա Կիպրոսի քաղաքացի դառնալու համար հարկավոր է գնել կես միլիոն դոլար արժողությամբ անշարժ գույք:
