Մեր աղբյուրները նոր մանրամասներ են հաղորդում ՀՀ ոստիկանության կոլեգիայի նիստից հետո Սերժ Սարգսյանի և ոստիկանության տարբեր ստորաբաժանումների պատասխանատուների հետ հանդիպումների վերաբերյալ:
Ըստ մեր հավաստի աղբյուրի` կոլեգիայի նիստից հետո ոստիկանապետը Սերժ Սարգսյանի հետ առանձին-առանձին հանդիպել է իր ստորաբաժանումների մի քանի պաշտոնյաների: Ապա Սերժ Սարգսյանին հարցրել է` կցանկանա՞ հանդիպել 6-րդ վարչության պետին` Գագիկ Ավետիսյանին, ինչին Սերժ Սարգսյանը բացասական պատասխան է տվել:
Ոստիկանությունից հեռանալու ժամանակ Սերժ Սարգսյանը միջանցքում հանդիպել է Գագիկ Ավետիսյանին` կանգ առել և հարցրել. «Դու չես ամաչո՞ւմ, որ այդ պաշտոնն ես զբաղեցնում», ու անմիջապես հեռացել: Նշենք, որ մեր տեղեկություններով, Գագիկ Ավետիսյանի «տանիքը» Սերժ Սարգսյանի թիկնազորի պետ «Սերժի Վաչոն» է:
