Ավան և Նոր Նորք համայնքների ընդհանուր իրավասության դատարանը այսօր հետաձգել է Վահե Ավետյանի մահվան գործով դատավարությունը։
«Ազատություն» ռադիոկայանի փոխանցմամբ՝ դատավոր Դավիթ Հարությունյանը հրապարակել է ամբաստանյալ Գարիկ Մարգարյանի պաշտպան Մարինե Թովմասյանի գրությունը, որը, ըստ դատավորի, ստացել էր նիստից մեկ ժամ առաջ՝ էլեկտրոնային փոստով։ Այդ գրությամբ փաստաբանը դատարանին խնդրել էր մեկ այլ դատական նիստի մասնակցելու պատճառով Վահե Ավետյանի մահվան գործով այսօրվա նիստը հետաձգել։ Սակայն դատավորը փաստաբանի բացակայությունը համարեց անհարգելի և այսօրվա նիստը հետաձգել մինչև նոյեմբերի 23-ը։ Միևնույն ժամանակ դատավորը հիշեցրել է, որ դեռ հոկտեմբերին էին նշանակվել դատական նիստի օրերը՝ այդպիսով անընունելի համարելով փաստաբանի բացակայությունը դատական նիստին։
Դատավորը զգուշացրել է, որ եթե մյուս նիստին ևս փաստաբանը չներկայանա, ստիպված է լինելու նրա նկատմամբ սանկցիա կիրառել։