Միլանի տաճարն իր 135 վիշապաքարերի համար որոնում է «ծնողների»՝ մարդկանց, որոնք կնվիրաբերեն 100 հազար եվրո շինության վերականգնման համար: Վերջիններիս անունները կփակցվեն բազիլիկի ճակատամասում՝ առասպելական արարածների քանդակների հարևանությամբ: Այս մասին հայտնում է BBC-ն:
Տաճարի ղեկավարությունն այդկերպ փորձում է «միլանցիների ու աշխարհի մյուս քաղաքների բնակիչների ուշադրությունը հրավիրել տաճարի ճակատագրի վրա, որն ամբողջ մարդկությանը պատկանող անգին գանձ է»:
Միլանի տաճարը աշխարհում մեծությամբ չորրորդն է, որի վերականգնման համար անհրաժեշտ է 25 մլն եվրո: Այն համարվում է քաղաքի խորհրդանիշը:
Երկրում մշակութային ժառանգության ու թանգարանային ֆոնդին բյուջեից հատկացվում է շատ քիչ գումար: Ինչպես նկատում է BBC-ն, ներկայում որոշ թանգարաններ ստիպված են փակվել, իսկ համաշխարհային հայտնի հուշարձանները գտնվում են ողբալի վիճակում: Այսպես, Հռոմի «Տրևի» շատրվանից պոկվել էին մարմարի ամբողջական կտորներ:
