Մեծ Բրիտանիայի քաղաքացիները, որոնք Սիրիայում մարտնչում են ծայրահեղական խմբավորումների շարքերում, պատասխանատվություն են կրում դաժան սպանությունների համար:
Ընդ որում՝ նրանք գրոհում են ոչ թե Սիրիայի նախագահ Բաշար Ասադի ուժերի, այլ ապստամբների ու խաղաղ բնակիչների դեմ՝ The Times-ին պատմել է ընդդիմադիր՝ Սիրիայի ազատ բանակի հրամանատար, գեներալ Աբդուլլա Ալ-Բաշիրը:
Ինչպես պատմում է գրոհայիների հրամանատարը պարբերականին ուղղված նամակում, բրիտանացի ծայրահեղականները կազմում են «Ալ Քաիդային» հարող արմատական խմբավորման՝ «Իրաքի ու Լևանտի իսլամական պետության» արտասահմանյան կոնտինգենտի հիմնական մասը:
Ալ-Բաշիրի խոսքով՝ մարտական գործողություններում նրանք դիմում են չափազանց դաժան մեթոդների: «Սիրիացի ժողովրդին ծեծում են, սպանում, գլխատում, խաչ բարձրացնում, կանանց հետ վարվում են անթույլատրելի կերպով, հասարակությանը ղեկավարում են արխայիկ մեթոդներով»,- թերթը մեջբերում է գեներալի խոսքերը:
«Շատերը, որոնք մասնակցում են այդ գործողություններին, բրիտանահպատակներ են»,- ասել է Ալ-Բաշիրը՝ հավելելով, թե դրանք ոչ թե ազատարարներ են, այլ ահաբեկիչներ:
