Հայաստանի ազգային հավաքականը նոյեմբերի 12-ից սկսում է Հայաստան-Լիտվա ընկերական հանդիպման նախապատրաստական մարզական հավաքը:
Ինչպես ՀՖՖ պաշտոնական կայքին տված հարցազրույցում ասել է Հայաստանի ազգային հավաքականի գլխավոր մարզիչ Վարդան Մինասյանը, չնայած պաշտոնական հրավերների առկայությանը, հնարավոր է, որ Մոլդովայի «Շերիֆի» պաշտպան Արտյոմ Խաչատուրովը փաստաթղթերի ձևակերպման մոլդովական գործընթացի հետ կապված չհասցնի ժամանել Հայաստանի ազգային հավաքական:
ՀՖՖ մամլո ծառայությունն «Առաջին լրատվական»-ին տեղեկացնում է, որ հնարավոր է նաև Յուրա Մովսիսյանի բացակայությունը, քանի որ Հայաստանի ազգային հավաքականի հարձակվողի ակումբի պաշտոնական հավաստմամբ Յուրա Մովսիսյանը վնասվածք ունի եւ գուցե չհասցնի վերականգնվել մինչ Հայաստանի ազգային հավաքականի մարզական հավաքը:




































