Գերմանիայի կանցլեր Անգելա Մերկելը հայտարարել է, որ բոլոր միջոցներով ձգտում է խուսափել Ուկրաինայում իրավիճակի սրումից: Այս մասին գրում է Reuters-ը:
«Ես աշխատում եմ, որպեսզի դա տեղի չունենա»,- հստակեցրել է Մերկելը:
«Ավելի լավ է՝ 20 ժամ երկար բանակցություններ վարել, սակայն այլևս երբեք Եվրոպայի կենտրոնում չհայտնվել նման իրավիճակում»,- ասել է նա:
Նրա կարծիքով`անհրաժեշտ է ողջ ուժով կանխարգելել նոր պատերազմները:
Մերկելը, ինչպես և շատ եվրոպացի դիվանագետներ, Ռուսաստանին մեղադրում է Ուկրաինայի տարածքային ամբողջականությունը խախտելու մեջ: «Սակայն մենք հակասությունները պետք է հաղթահարենք բանակցությունների միջոցով»,- ընդգծել է նա:
Կանցլերի կարծիքով`Ուկրաինայում ճգնաժամը վկայում է այն մասին, որ Եվրոպայում խաղաղության ուղղությամբ պետք է աշխատի յուրաքանչյուր սերունդ: