Իրանի, Թուրքիայի, Եգիպտոսի եռակողմ հանդպումը սիրիական ճգնաժամի հարցով, որը նախատեսվում էր անցկացնել մոտակա օրերի ընթացքում Անկարայում, հետաձգվել է անհայտ ժամանակով, հաղորդում է TRT Haber հեռուստաալիքը` վկայակոչելով Թուրքիայի արտգործնախարար Ահմեդ Դավութօղլուի հայտարարությունը:
Հանդիպումը տեղափոխվել է, քանի որ իրանցի նախարարը հրաժարվել է մասնակցությունից:
Ավելի վաղ Թուրքիայի կառավարության ղեկավար Ռեջեփ Թայիփ Էրդողանն առաջարկել է եռակողմ հանդիպում անցկացնել Սիրիայի հարցի վերաբերյալ` իր պետության, Իրանի և Եգիպտոսի մասնակցությամբ: Նման առաջարկով նա դիմել է Իրանի նախագահ Մահմուդ Ահմադինեժադին` Ադրբեջանի մայրաքաղաքում տնտեսական համագործակցության կազմակերպությունների գագաթաժողովի շրջանակներում:
Վերադառնալով հայրենիք` Էրդողանը հայտարարել է, որ հանդիպումը ցանկության դեպքում կարող է երկու ձևաչափով տեղի ունենալ, դրանցից մեկը ենթադրում է Թուրքիայի, Ռուսաստանի և Իրանի մասնակցություն, իսկ երկրորդը` Թուրքիայի, Եգիպտոսի և Սաուդյան Արաբիայի:
