ԱՄՆ նախագահ Բարաք Օբաման վերընտրվելուց հետո առաջին օրն անցկացրել է ընտանիքի և մոտ խորհրդականների շրջապատում, սակայն առավոտը նվիրել է աշխատանքային հարցերին՝ հաղորդում են նախագահի մամլո ծառայության թղթակիցները, որոնք եղել են Չիկագոյում և նախագահի հետ վերադարձել են Վաշինգտոն:
Չորեքշաբթի առավոտյան Օբաման հեռախոսով խոսել է Ներկայացուցիչների պալատի խոսնակ Ջոն Բոհների , Սենատի մեծամասնության և փոքրամասնության առաջնորդներ Գարի Ռիդի և Միտչ Մակկոնելի, ինչպես նաև Սենատի դեմոկրատական փոքրամասնության առաջնորդ Նենսի Փելոսիի հետ:
Նրանց հետ Օբաման քննարկել է սենատորների դիտարկմանը ներկայացված հիմնական օրենսդրական նախաձեռնությունները, հիշեցրել բյուջեի պակասուրդի կրճատման համար միջոցների ընդունման, գործազրկությանն ուղղված պայքարի անհրաժեշտության մասին:
Այնուհետև Օբաման ուղևորվել է իր շտաբ՝ շնորհակալություն հայտնելու իր աշխատակիցներին, ինչպես նաև արշավին աջակցած կամավորներին: Նրանք պետության ղեկավարին դիմավորել են բուռն ծափողջույններով:
Շտաբից Օբաման կնոջ և դուստրերի հետ գնացել է օդանավակայան: Օդանավի անձնակազմի անդամները շնորհավորել են նախագահին վերընտրվելու առիթով և նրան տորթ նվիրել: Երեկոն նախագահն անցկացրել է Սպիտակ տանը՝ ընտանիքի հետ:
Մոտ խորհրդականների հետ սովորական առավոտյան հանդիպումից բացի՝ այսօր Օբաման ծրագրված միջոցառումներ չունի: