Իսպանական լրատվամիջոցները հայտնում են, որ Մադրիդի «Ռեալ»-ի դարպասապահ Իկեր Կասիլյասն իր կարծիքն է հայտնել Չեմպիոնների Լիգայի շրջանակներում կայացած Դորտմունդի «Բորուսիա»-ի դեմ խաղի վերաբերյալ:
Ժոզե Մոուրինյոյի սաները 2 գոլ են խփել և 2-ը` բաց թողել:
«Ռեալ»-ի խաղացողների համար սովորական է մինչև խաղի ավարտը պայքար մղելը: Մենք կարողացանք ոչ-ոքիի հասնել բարդ ընթացք ունեցող հանդիպմանը: «Բորուսիա»-ի դեմ 2 հանդիպումներն ապացուցեցին, որ դորտմունդցիների թիմը շատ հզոր է: Դժվար է հավատալ, որ այն անհաջող է հանդես գալիս Բունդեսլիգայում, իսկ Չեմպիոնների Լիգայի շրջանակներում այդքան լավ: Ցավում եմ, որ Իգուաինը վնասվածք ստացավ»,- նշել է Կասիլյասը:
