NASA-ն առաջին անգամ Երկրի ստատոսֆերայում իրականացնում է «թռչող ափսեի» փորձարկումներ: Այն հետագայում կկիրառվի տիեզերագնացներին ու բեռները Մարս տեղափոխելու համար: Ինչպես հայտնել է ամերիկյան տիեզերական գործակալությունը, փորձը կկայանա հունիսի առաջին կեսին՝ Հավայան արշիպելագի կազմի մեջ մտնող Կաուայի կղզու ամերիկյան օդուժի հրթիռային զորակայանում: Այս մասին հայտնում է ITAR-TASS-ը:
Կոնստրուկտորների մտահղացմամբ՝ այն պետք է կցվի տիեզերանավերի հիմքին՝ ապահովելու դրանց արգելակումը նոսր մարսիական մթնոլորտում և փափուկ վայրէջքը Մարսի մակերևույթին:
Ներկայում NASA-ն մշակել է 6 և 8 մետր տրամագծով երկու նման սարք՝ նախատեսված համապատասխանաբար բեռնափոխադրման և տիեզերագնացների տեղափոխման համար:
Կոնստրուկցիան զինված է 33.5 մետր տրամագծով հսկա պարաշյուտով, որը նույնպես կոչված է ապահովելու հաջող վայրէջքը: Curiosity մարսագնացի պարաշյուտը եղել է կրկնակի փոքր:
