Կայծակի հարվածների պատճառով Հարավային Ավստրալիա նահանգի ավելի քան 6 հազար ընտանիք շարունակում է մնալ առանց էլեկտրաէներգիայի, հաղորդում է ITAR-TASS-ը:
Ինչպես այսօր հայտնել են փրկարար ծառայությունից, նոյեմբերի 5-ին այդ նահանգում գրանցվել է ընդհանուր առմամբ կայծակի 170 հազար հարված:
Հիդրոօդերևութաբանների տվյալով՝ անձրև գրեթե չի տեղացել, քամու ուժգնությունը նահանգի որոշ շրջաններում հասել է 100կմ/ժ արագության:
Կայծակները հիմնականում հարվածել են ծառերի, որոնց ճյուղերը վնասել են էլեկտրալարեր, ինչի հետևանքով առանց էլեկտրաէներգիայի է մնացել ավելի քան 80 հազար ընտանիք:
Նահանգում բռնկվել են նաև բազմաթիվ հրդեհներ: Ներկայում հրշեջներին հաջողվել է մարել դրանց մեծ մասը:
Հարավային Ավստրալիայի մակերեսը կազմում է 983 հազար ք/կմ, այնտեղ ապրում է շուրջ 1.65 մլն մարդ:
