Ավարտվեց «Ֆորմուլա-1»-ի Աբու-Դաբիի Գրան պրին: Հաղթող ճանաչվեց «Լոտուս»-ի ֆինն ավտոարշավորդ Կիմի Ռայկոնենը:
2007թ Աշխարհի չեմպիոնը մինչ այդ հաղթող էր ճանաչվել 1162 օր առաջ` Բելգիայի Գրան պրիում: Այս հաղթանակը Ռայկոնենի մարզական կարիերայում 19-րդն է: Այդ ցուցանիշով նա 15-րդն է «Ֆորմուլա-1»-ի պատմության մեջ:
Ռայկոնենը պատվո հարթակ բարձրացավ 69-րդ անգամ` շրջանցելով Ռուբենս Բարիկելոյի ցուցանիշը: Ֆերնանդո Ալոնսոն, ով 2-րդն էր մրցման արդյունքում, պատվո հարթակին բարձրացավ 84-րդ անգամ, իսկ վերջին տեղից մեկնարկած Սեբաստիան Ֆետելը, ով գրավեց 3-րդ հորիզոնականը` 45-րդ անգամ:
«Լոտուս»-ն առաջին հաղթանակը տարավ` սկսած 1987 թվականից: Նախորդ անգամ թիմին հաղթանակ էր պարգևել լեգենդար Այտոր Սեննան` ԱՄՆ-ի Գրան պրիում: