Ամերիկյան Apple կորպորացիան շուտով կգնի կալիֆոռնիական Beats Electronics-ը, որը մասնագիտացած է ականջակալների ու աուդիոտեխնիկայի արտադրության մեջ: Ընկերությանն է պատկանում նաև Beats երաժշտական համացանցային ծառայությունը: Այս մասին հայտնում է Bloomberg գործակալությունը:
Գործակալության տվյալներով՝ գործարքի արժեքը կկազմի 3.2 մլրդ դոլար: Այսպիսով՝ գնումը կարող է դառնալ խոշորագույնը Apple-ի պատմության մեջ: Ինչպես սպասվում է՝ կողմերի համաձայնության մասին կհայտարարվի հաջորդ շաբաթ:
Beats Electronics-ի ձեռք բերումը Apple-ին թույլ կտա ամրապնդել դիրքերը աուդիոաքսեսուարների և համացանցային երաժշտական ծառայությունների շուկայում:
Վերջին 1.5 տարում Apple-ը ձեռք է բերել 24 ընկերություն:
Beats Electronics-ը հիմնադրվել է 2008-ին՝ հայտնի ամերիկացի ռեփեր Dr. Dre-ի կողմից:
