Այսօր Տավուշի մարզի ընդհանուր իրավասության դատարանում՝ դատավոր Զոյա Զաքինյանի նախագահությամբ, Լյուքս Ստեփանյանի գործով դատական նիստին դատախազ Արթուր Զաքարյանն ընթերցեց մեղադրական ճառը: Նա միջնորդեց ամբաստանյալ Դավիթ Խաչատրյանին մեղավոր ճանաչել ՀՀ Քրեական օրենսգրքի 104 հոդվածի 2-րդ մասի 6-րդ կետով և 112-րդ հոդվածի 1-ին մասով. առաջին հոդվածով Դավիթ Խաչատրյանին դատապարտել 14 տարվա ազատազրկման, երկրորդով՝ 4 տարվա, ընդհանուր առմամբ՝ 18 տարվա ազատազրկման:
Ամբաստանյալ Դավիթ Խաչատրյանը առարկեց՝ ասելով, թե ինքը մեղավոր չէ։ Սա հարուցեց Լյուքս Ստեփանյանի հարազատների, հատկապես մոր՝ Լուիզա Ստեփանյանի զայրույթը:
Պարզվեց, սակայն, ամբաստանյալի պաշտպաններն այսօր պատրաստ չէին, և խնդրեցին դատավորից քսան աշխատանքային օր՝ պարզաբանմամբ, թե իրենք Երևանում են, իսկ ամբաստանյալ Դավիթ Խաչատրյանը՝ Վանաձորում, և լրացուցիչ ժամանակ է ծախսվում:
Վաղինակ Սարգսյանի միջնորդությունը՝ քսան աշխատանքային օրով հետաձգել հաջորդ դատական նիստը, հարուցեց Լյուքս Ստեփանյան բարեկամերի զայրույթը։ Նրանք իրենց բողոքի ակցիան ցուցապաստառեներով շարունակեցին դատարանի դիմաց:
Ավելին՝ տեսանյութում: