2008 թվականի աշխարհի չեմպիոն Լուիս Հեմիլթոնը գովեստի խոսքեր է հղել «Ռեդ Բուլ» թիմի տեխնիկական տնօրեն Էդրիան Նյուիի հասցեին:
«Սեբաստիան Ֆետելի գերակայությունը վերջին մի քանի գրան պրիներում ինձ համար անակնկալ չէր, քանի որ «Ռեդ Բուլ»-ը ընդհանուր առմամբ գերակայում է «Ֆորմուլա 1»-ում վերջին երկու տարիներին:
Նրանք հիանալի հնարավորություններ ունեն մեքենան կատարելագործելու համար: Էդրիան Նյուին էլ հանճար է: Նույնիսկ չեմ կարող պատկերացնել`ինչ է նա անում: Նա յուրահատուկ անձնավորություն է:
Ես տեսա նրանց արագությունը ու զգացի, որ ոչ մի կերպ չեմ կարող պայքարել նրանց դեմ: Ես չէի կարողանա հասնել նրանց տեմպին, եթե նույնիսկ ներդնեի ուժերիս 200 տոկոսը ու ի վերջո վթարի ենթարկվեի: Ես ինքս հաղթել եմ առաջնությունը այն մեքենայով, որի նախագծմանը մասնակցել է Էդրիանը: Նա դրել էր այդ մեքենայի հիմքը: Երբ կանոնակարգը փոխվեց, մենք մեծ հետքայլ կատարեցինք, ինչից հետո շատ ժամանակ պահանջվեց սթափվելու համար»,- Հեմիլթոնի խոսքերն է մեջբերում The Sun-ը:
