Մեծ Բրիտանիայի, Պակիստանի և Արաբական Միացյալ Էմիրությունների արտաքին գործերի նախարարներն այցելել են այն հիվանդանոցը, որտեղ բուժվում է պակիստանցի Մալալա Յուսուֆզայը, ով ծանր վիրավորվել էր թալիբների կողմից:
Նախարարները հանդիպել են Մալալայի հոր և Եղիսաբեթ թագուհու հիվանդանոցի աշխատակիցների հետ։
15-ամյա Մալալան պակիստանցի աղջիկների կրթության համար հայտնի պայքարող է: Թալիբները հոկտեմբերի ութին մահափորձ էին կատարել նրա դեմ. նա ծանր վիրավորվել էր գլխի և պարանոցի շրջանում: Այս հարձակումն ամբողջ աշխարհում վրդովմունք էր առաջացրել:
Մի քանի օր անց Մալալային տեղափոխել էին բրիտանական հիվանդանոց: Հիմա նրա վիճակը լավանում է:
