Սիրիայի նախագահ Բաշար Ասադը հայտնվել է սիրիական հեռուստաընկերության եթերում: Նա գնացել է աղոթելու Դամասկոսի ալ-Աֆրամ մզկիթում մահմեդականների` սուրբ տոնի սկսվելու կապակցությաբ: Պաշտոնական արարողությանը ներկա էին ներքին գործերի նախարար Մուհամմեդ աշ-Շաարը, Սիրիական արաբական հանրապետության գլխավոր մուֆթի Ահմեդ Հասունը և ուիշներ: Իմամ Շեյխ Վալիդ Աբդուլ Խակը բոլոր սիրիացիներին կոչ է արել դադարեցնել կռիվը, որովհետեև «մենք բոլորս եղբայրներ ենք»: Նա ասել է. «Սիրիացիները պետք է վերադառնան ալլահին, հաղթահարեն այս միջհանրային պայքարը: Դուք տեսնում եք, թե ինչի է հասել երկիրը երկու տարվա ընթացքում, դուք տեսնո՞ւմ եք բոլոր ավերածությունները և մահերը: Դադարեցրե՛ք դա: Մենք ինքներս պետք է ստեղծենք նոր Մերձավոր Արևելքը, այլ ոչ թե ենթարկվենք նրանց, ովքեր փորձում են սեփական կարգուկանոնը թելադրել, այսինքն` Սիրիայի և իսլամի թշնամիներին»:
Կադրերին զուգահեռ ձայնն ասում էր. «Ահա նա՝ նախագահը, ժպտացող և իր ժողովրդին բարին կամեցող: Որքան գեղեցիկ է ժողովրդի այս հանդիպումն իր առաջնորդի հետ, ով ջանքեր չի խնայում Սիրիան ծաղկեցնելու համար»:
Ասադի խնդիրն այն է, որ նրա ոչ բոլոր ենթականերն են նրան համարում իսկական մահմեդական: Բազմաթիվ սուննիների կարծիքով՝ ալավիտյան ուղղության ցանկացած ներկայացուցիչ` հավատն ուրացող և հերետիկոս է, ով թողել է իսլամը:
